sunray
貴賓
 
UID 5427
精華
0
積分 684
帖子 89
閱讀權限 100
註冊 2006-10-13
來自 HK
狀態 離線
|
（港佬狂想曲）（十四）（粵語版）
-------------------------------------
（港佬狂想曲）（原名雞精雄巧遇淫賤學生妹）（粵語版）
作者：Sunray
-------------------------------------
十四、九死一生
-------------------------------------
（前文提要：雞雄趁住Jacky病到迷迷糊糊，晌半推半就之後趙左佢隻處女
豬……兩個人岩岩傾掂數，諗住繼續逃亡既時候，點知一出門口就遇伏……）
雞雄都唔知暈左幾耐？到佢醒返既時候，眼前仲係漆黑一片，個後腦仲係火
辣辣咁痛。佢勉強擰左下頭，先發覺自己雙手雙腳都畀人綁到實，紮到成隻粽咁，
周圍就黑媽媽。
雞雄感覺到浪下浪下咁，又聽到Ｄ低沉既引擎聲……猜測自己應該係畀人用
麻包袋裝住，困左晌車尾廂。
……不過，架車唔知去緊邊度呢？
雞雄個心當然好驚！雖然唔知自己畀乜野人捉住，但係將佢五花大綁，斷估
都唔會請佢返屋企食餐飯咁簡單喇掛？
雞雄又好擔心Jacky，擔心佢唔知會唔會一樣畀人捉住？佢仲發緊燒架……
架車唔知行左幾耐，雞雄終於感覺到架車停低左。跟住「卡」一聲，一陣新
鮮而冰寒既空氣忽然湧左入黎，仲好似聽到Ｄ海浪聲添……雞雄又感覺到自己畀
人成個抬起，跟住個背脊就撞左落地，痛到佢當堂大聲嗌左出黎：「哎呀！」
「強哥，條茂利醒左！」雞雄聽到有人講野，跟住個肚腩就畀人踢左一腳。
「哼！」係另一把聲：「呢條死剷連老闆個寶貝女都敢拐帶，簡直係膽生毛，
九條命都唔夠死！」
雞雄聽到心驚膽戰，即刻開口大聲嗌：「大佬，你地搞錯左，誤會黎咋！
哎……」又食多左腳！
「你落去地獄同閻羅王解釋啦！」個男人哈哈大笑，跟住又話：「快手Ｄ搬
埋車尾果幾個啞鈴出黎，綁埋落個麻包袋度先啦，掟完佢落海仲要趕返去開工架！」
雞雄感覺到有人晌自己對腳度又綁左Ｄ野，嚇到當堂標尿，一味大聲嗌：
「救命呀！冤枉呀……」都未嗌得兩聲，個頭又畀人踢左兩腳，踢到佢口都爆埋，
牙都甩左幾隻，想叫都叫唔出聲。
「呢次玩完喇！」雞雄心諗。估唔到自己咁鬼後生就要去見閻羅王……
晌臨死前呢一刻，雞雄心裡面忽然間諗返起好多野……
佢記返起果個細細個就掉低佢唔理既阿媽、又諗起佢個死鬼老豆；佢仲好掛
住佢個大姨媽，佢照顧左自己咁耐……睇黎自己想報答返佢都冇乜機會咯！
雞雄又諗起Jacky，諗起自己唔覺意食左佢隻豬，所以好想同佢講聲「對唔
住」！
佢又好掛住Carol，好掛住呢個第一個畀佢開苞既女仔；佢好想好想再次見到
佢，同佢講多一次：「我愛妳」！
佢仲諗起阿花……唔知佢個肚最後有冇畀自己搞大到呢？唉！諗唔到自己竟
然連有冇仔送終都唔知道！
……
佢感覺到自己再次畀人抬起，然後搖下搖下咁拖住行……
……Ｄ海浪聲好似越來越近、越黎越大……
佢又隱約聽到其中一個人晌度埋怨話：「豬左添！早知拉左條茂利去碼頭邊
先綁舊鐵啦，而家搞到咁鬼重！」
「算啦！快手搞掂佢先啦……」兩個人冇幾耐就停低左……
雞雄感覺到自己個袋畀人抽起，開始就前前後後咁搖來搖去，仲越拋越高，
又聽到果兩條友大聲晌度嗌：「拿……一……二……」
「呢次玩完喇……」雞雄嘆左口氣，瞇埋眼等死……
不過就晌果兩個人岩岩數到「三」果下，雞雄忽然聽到最先果條友晌遠處大
聲嗌住話：「咪住！」
果兩個人其實已經甩左手，將雞雄成個人扔左出去，依家唯有即刻琴琴青將
個麻包袋扯返轉頭。
「強哥，乜事呀？」其中一個人喘住氣，仲有少少嬲咁話。
先前果條友已經走到埋黎：「我點Ｑ知乜野事喎？大老闆晌電話度乜都冇講，
剩係叫我地教訓完條茂利之後，車返佢返去，放佢走咋！」
「下！唔係呀嘛？就咁教訓下咋？乜老闆唔係叫我地同條茂利做忌咩？而家
拐帶左小姐喎，老闆琴晚明明仲嬲到拆哂天，大聲叫我地好好招呼呢條友仔架？
點會就咁易放過佢架？」
「你問我我問邊個呀？夠薑你咪自己去問下老闆點解囉？」
「咁我又唔敢……」果條友當堂謝哂。
「強哥，咁而家點呀？」佢跟住死死地氣咁話。
「點呀？咪車返佢去大角咀，是但搵條橫巷踢佢落車囉……駛唔駛我寫埋個
地址，畫埋張地圖畀你呀？」
「講笑咩？強哥，你開句聲咪得架囉，我地班細既識點做架喇！」另外一把
聲話。
晌個麻包袋裡面既雞雄雖然聽到一頭霧水，但係都知道自己應該岩岩晌地獄
打左個轉返出黎……
「哎呀！」不過佢都未開心完，個頭又畀人踢左一腳，眼前一黑，又試暈鬼
左。
-------------------------------------
到雞雄醒返果陣，先發現一個人訓左晌條橫巷，成身痛到好似散哂咁，不過
身上面Ｄ繩就已經畀人解開哂。雞雄坐起身，挨晌牆度抖左好耐至夠力企返起身。
當佢扶住幅牆慢慢行返出大路，先發覺自己原來離開屋企只不過兩個街口。
雞雄忍住痛，拐下拐下咁行返屋企；一路上Ｄ人都好奇怪咁，眼金金咁望實
佢……
一入到屋，包租公已經走左埋黎：「嘩，雞雄你搞乜鬼？成身都係血，塊面
又腫到成個豬頭咁？畀人打劫牙？」連光頭伯同肥標都走埋出黎。
「係……係掛……」雞雄支吾以對咁。
「你坐低抖下先啦，駛唔駛幫你報警呀？」
「唔駛，我都冇事咯……」雞雄見頭房度門打開左，就問：「係喇，包租公，
琴晚……」
包租公即刻好似像好興奮咁：「嘩！真係講你都唔信！頭房條『靚仔』原來
係陳大富個『女』黎架！琴晚陳大富仲親自殺上黎搵佢添呀！最衰當時我驚得滯，
冇諗起同佢映返張相，如果唔係，同佢映張相，鑲起佢掛晌廳度都唔知幾威？」
「係囉！」光頭伯跟都附和住話：「果個外賣仔就正啦，聽講佢報一報寸就
賺左五十萬喇！」
「咪係！」肥標憤憤不平咁：「不過有乜好講喎！鬼叫我地同人住埋同一間
屋都走漏眼咩？」
雞雄聽下聽下，雖然知唔哂全部，不過都已經估到七、八成：「咁……咁而
家Jacky佢地點呀？」
「邊個『積……奇』呀？」包租公好好奇咁問。
「咪即係陳大富個女囉！」雞雄先醒起佢地根本連Jacky個樣都未望真過，當
然唔知佢個名啦！
「哦……」光頭伯摸下自己個光頭：「今朝去公園晨運果陣聽到Ｄ街坊講，
好似話天濛光果陣見到班人晌街口果邊挾左個靚仔上車，聽佢地形容果條靚仔個
樣，應該就係陳大富個女……」
「咁即係Jacky最後都畀佢老豆捉返……」咁都好Ｄ……雞雄估計佢應該冇事，
都放心左少少。
「喂，雞雄，」包租公忽然好似好懷疑咁望實雞雄：「你個樣古古惑惑咁，
好似知道好多野咁喎！」
「痴線啦你！我知你阿媽係女人！」雞雄懶得啋佢，起身打左個電話返茶餐
廳請病假，跟住就返入房扑左上床……佢琴晚都冇乜點訓過，又畀人打左一身，
岩岩仲晌鬼門關打左個轉添，而家真正係心力交瘁，一扑上床就訓到不醒人事……
-------------------------------------
雞雄大昏迷左成日，一路到左傍晚先畀包租公Ｄ拍門聲嘈醒。
「乜Ｑ事呀！」雞雄一面大聲鬧人，一面睡眼惺忪咁爬起身走去開門。
房門外面，包租公個樣古古怪怪咁：「阿雄哥，有人搵你呀。」
雞雄當堂嚇到醒哂，心諗：「唔通Jacky老豆又派人黎追殺佢？」但係到佢硬
著頭皮望出去果陣，竟然見到係Carol！
Carol個樣好似好心急咁，雞雄即刻撥開包租公，拉左Carol入房，順手鎖埋
度門。
「Carol，發生左乜野事呀？點解妳會黎既？」雞雄好擔心咁問。佢唔敢太大
聲，因為佢知道包租公一定晌外面偷聽……
Carol已經撲左上黎攬實佢：「仲掛住擔心人地，睇下你，成身都傷哂喇……
仲痛唔痛呀？」個樣都唔知幾肉赤咁。
「只係Ｄ皮外傷，唔會死人既。」雞雄好溫柔咁拍下佢，又問：「點解妳會
知道我發生左事既？邊個話畀妳聽架？」
「咪係Jacky囉，佢頭先臨上飛機果陣，晌機場打電話話畀我聽既。」
「哦，係佢！」雞雄舒左啖氣：「咁即係話，佢最後都係走唔出佢老豆既手
掌心。」
「嗯！」Carol點左下頭，對眼又紅起上黎：「佢仲同我道歉，話好對我唔住，
唔應該完全唔理我既感受，迫我同佢私奔喎……」
雞雄都有少少開心：「咁咪好囉！佢終於都諗清楚咯！」
Carol又望實雞雄：「仲有呀！佢叫我同你講，話唔好意思，連累到你喎！
……我頭先聽包租公講，你尋晚畀人打劫，仲畀人打左一身添，係咪……Jacky爹
地做架？」
「應該就係喇。」雞雄苦笑左一下：「其實點只打一身咁簡單呀，我幾乎連
命都冇埋呀！」佢將自己點樣幾乎沉屍海底，但係晌最後一刻逃過大難既事，原
原本本咁話哂畀Carol聽。聽到佢面都青埋，一面聽一面打冷震。
「傻妹，唔駛驚喇，而家都冇事咯！」雞雄伸手幫Carol抹左Ｄ眼淚。
Carol仲係扁哂嘴咁：「原來陳Uncle真係咁衰既，竟然咁對你……好彩你冇
事咋……」講完又忍唔住攬實雞雄唔肯放。
雞雄自己諗返起都一額汗，不過又有少少奇怪咁話：「其實我當時已經諗住
死梗架喇，點知佢地又會晌最後一刻放返我？真係諗極都諗唔明。」
Carol抖左啖大氣：「如果我冇估錯，應該係因為Jacky……佢一定答應佢爹
地即刻離開呢度，條件就係要佢爹地放過你。如果唔係，以佢既性格，應該唔會
咁容易向佢爹地屈服既……」
雞雄當堂恍然大悟，不過又有Ｄ疑惑：「但係……點解呢？Jacky一向都唔妥
我架？」當然，佢唔敢話畀Carol聽，佢仲姦鬼埋Jacky呢件事啦。
「其實Jacky份人好好架！佢晌電話度除左叫我同你道歉之外，仲話好多謝你
鬧醒左佢……又話對尋晚發生既事一Ｄ都冇後悔喎……」Carol有Ｄ好奇咁問：
「尋晚我晌電話同Jacky講左分手之後，你地究竟發生左Ｄ乜野事呀？」
雞雄於是就將成件事講哂畀Carol聽，包括Jacky點樣冒住大雨晌街度發癲、
佢地點樣避開Jacky老豆Ｄ手下匿埋，Jacky半夜發燒，同埋佢地第二朝一出門口
就畀人捉住既事……當然，冇講中間佢扑左Jakcy果段啦。
Carol聽到原來Ｄ劇情咁曲折，聽到Ｏ哂嘴：「好彩我唔晌度咋，唔係實嚇死
我！」跟住又好擔心咁問：「係勒！雄哥，咁跟住落黎你打算點呀？你怕唔怕陳
Uncle再搵人對付你呀？」
「唉……」雞雄嘆左口氣：「邊擔心得咁多丫！人地大有錢佬，如果真係想殺
左我，同禁死一隻蟻有乜野分別喎？唯有見步行步呢……」佢又捉實Carol個膊頭：
「我只係擔心妳！我而家隨時都有殺身之禍架，Carol，為左妳既安全，我諗我地
以後都係見少Ｄ……唔係，直頭以後都唔好再見罷啦！」
你地信唔信都好，雞雄呢幾句話真係發自內心架！佢岩岩死過返生，可能真
係轉左死性……
「唔制！」Carol一野攬實佢：「雄哥，我鍾意你！我唔會離開你！」
「但係……」雞雄見Carol對佢咁真心，都有少少感動：「我根本襯妳唔起喎！
妳又後生又靚，屋企又有錢，仲係大學生添；而我就冇人冇物，讀得書少又一事無
成，生得又唔係靚仔，年紀又大過妳咁多……」
Carol一味擰頭，仍然好堅決咁話：「我唔理！我就係鍾意你！你係我既第一
個男人，亦都會係最後一個……」
「Carol……」雞雄真係感動到喊左出口……
-------------------------------------
跟住果幾日，雞雄就戰戰兢兢咁回復返佢平時既生活。唯一唔同左既，就係佢
真係的起心肝，放左工之後竟然學人去返夜學！佢知自己讀唔成書，於是走去學西
廚。
……自從果日Carol向佢表明心跡之後，雞雄就下定主意要重新振作！
……為左Carol，亦都為左佢同Carol既未來。
見到雞雄為左自己咁上進，Carol當然好開心啦。佢非常支持雞雄，日日放左學
都會走上雞雄屋企同佢執屋，當正自己係佢老婆仔咁，仲夾硬拉住雞雄去開左個聯
名戶口，將自己Ｄ私己錢都放哂入去添……（美其名就話一人一半啦！）個傻妹仲
晌佢老豆果度聽埋Ｄ股票貼士，學人炒下炒下，都唔夠一個月就已經話畀雞雄聽，
佢地賺左百幾萬添。
雞雄無端端多左個又靚又後生又有錢既老婆仔，當然係開心都見牙唔見眼啦……
而為左襯得起Carol，佢都決定「洗底」，一於將過去果個「賤男雞雄」徹底毀滅！
第一步就係辭左份工，Carol幫雞雄晌佢世伯間酒店度搵左份「幫廚」；又幫佢
租左間樓，等佢慢慢離開以前果個世界……雞雄乜野都重新開始，直頭好似脫胎換
骨，成個人都唔同哂！佢真係非常畀心機做野同讀書，連個酒店大廚都好賞識佢。
如是者好快就過左成半年，陳大富Ｄ人冇再出現過，而雞雄亦都成功挨過左試
用期，仲有人工加添。佢失落左成三十年既自信終於都返哂黎，感覺自己似返個人！
而佢亦都第一次答應Carol，肯陪佢去參加佢Ｄ朋友既生日會……
果朝雞雄晌Carol悉心打扮之下，著住成套老西，望落又真係幾英明神武咁喎；
同Carol行埋一齊都唔覺太突兀。
而就晌佢地兩個甜甜蜜蜜咁翹埋手行出大廈門口果陣，一眼就見到有兩架黑色
既大ＢＥＮＺ停左晌門口……
-------------------------------------
（後話：雞雄死過返生，幾乎做左海龍王個女婿……所以話「大難不死，必有
後福」，雞雄不但重獲新生，連連「升呢」，而且咁就賺左Carol呢個又後生、又索、
又有錢，仲好鬼死愛佢既老婆仔添！真係幸運兼幸福到冇朋友。不過好事多磨，雞
雄Ｄ衰運好似同桃花運掛左勾咁……今次唔知駛唔駛又嚇餐死呢？下一集：「迫婚」！
……下！迫婚？邊個迫邊個呀？）
-------------------------------------
|
|
