sunray
貴賓
 
UID 5427
精華
0
積分 684
帖子 89
閱讀權限 100
註冊 2006-10-13
來自 HK
狀態 離線
|
（港佬狂想曲）（粵語版）（七）
-------------------------------------
第三章：神秘租客篇
七、勁索靚女租客
-------------------------------------
（前文提要：真係雞春咁密都「步」得出仔！雞雄岩岩「卓」完肥標個
老婆阿花，點知即刻就東窗事發，畀班同屋主知道左。為左「庵」住班死咸
濕佬把口，雞雄呢個賤男竟然連阿花都出賣埋，安排佢畀人大鑊炒！最後仲
搞到其中一個咸濕伯父「馬上風」，就咁去左添……）
呢日雞雄放工返到屋企，岩岩見到包租公阿水伯晌度數錢，於是就打趣
咁問：「阿水伯，咁疊水，中左六合彩牙？」
「咦，今日咁早呀，雄哥。」唔知係咪因為上次雞雄得穿針引線，帶契
佢有幸扑左肥標個靚老婆阿花呢？呢排條老野對雞雄好似特別寬容咁。以前
佢都唔係點騷雞雄既，而家就見親佢都鬼死咁好口……
包租公跟住就笑嘻嘻咁話：「六合彩？發夢就有得中！不過依家都唔
錯，我終於將間頭房租返出去喇！」
「咁正！邊條茂利咁夠薑呀？」雞雄笑住問。梗係啦，間房死過人架喎！
自從李伯果晚訓訓下去左之後，間房丟空左成兩個幾月，搞到包租公日日哭
口哭面咁。
「蝦，講開我都覺得怪！」包租公收返好Ｄ錢：「係兩個後生仔女，個
樣仲幾正經、幾『試正』既添！而且又唔講價，我開四千就畀四千，按金連
上期都一次過畀哂。仲話聽日就搬黎添喎！」
「咁奇怪？」雞雄有Ｄ好奇。呢區又舊又雜，交通又唔方便，Ｄ後生仔
點會鍾意架？不過聽到係後生仔女，都好丫，至少有Ｄ生氣，點都好過租畀
個幾十歲既阿伯既。
-------------------------------------
過左兩日，當雞雄朝早起身晌廁所擦緊牙果陣，度門忽然畀人推開左，
嚇左雞雄一跳。但係佢都未轉得切身，已經聽到一把甜到漏既聲話：「噢！
唔好意思，我以為冇人……」
雞雄擰轉頭，個口仲咬住枝牙擦，成個人傻左咁呆呆望住岩岩畀人閂返
埋既廁所門，腦裡面全部都係頭先推門撞入黎果個女仔個靚樣……
嘩！正呀！佢拿拿林三扒兩撥撩多兩撩，吐左啖水，抹乾塊面就衝左出
廁所。只見頭先個靚女仲企晌走廊度。雞雄忍唔住打雀咁眼咁打量下呢個望
落斯斯文文既靚女，Ｄ口水幾乎滴左出黎……
話都冇咁快，只見佢腰板一挺，即刻由一個淫賤猥瑣男變左個英明神武
既謙謙君子，仲學人扮到懶風趣咁同個女仔講：「哈哈，我唔好意思就真，
邊個叫我自己唔記得鎖門喎……好彩我唔係晌度沖緊涼姐！」
「係咩？」點知條女只係皮笑肉不笑咁應左下，跟住就唔理佢，一閃身
推門行入左廁所。
噢！瘀哂！雞雄當堂呆左晌度，好彩佢平時早就食慣哂檸檬，唯有苦笑
左一下，傻下傻下咁行返入房。
點知岩岩行到出廳，雞雄就見到包租公同光頭伯，仲有個頭染左綠色都
唔知既肥標，企埋一齊晌度咬耳仔，佢梗係八八卦卦咁走過去睇下乜事啦？
只聽到光頭伯細細聲咁話：「蝦，果兩個後生仔究竟搞乜鬼架呢？日日匿埋
晌房唔出黎，又唔煮飯食，餐餐都叫外賣。」
包租公就話：「係囉！佢地前日搬左黎之後就已經係咁架喇，成日都匿
埋晌房裡面，都唔知晌度搞乜鬼？」
「唔會當左呢度係臨時炮房掛？」光頭伯淫淫笑住話。
「炮你個頭！貪我呢度夠殘夠舊咩？不過，如果真係我又唔拘呀！果條
女又後生又靚女，而且有波有籮，有前有後，如果真係出黎撈既我實幫趁！」
包租公笑到成橋煙屎牙都露哂出黎。
雞雄一面聽一面回憶緊頭先果條女既相貌……頭髮長長、瓜子口面、斯
斯文文、白白淨淨（肯定冇性病），望落應該都有五呎四、五高，至於身材
嘛……匆匆立下眼睇唔清楚，不過應該都唔會太差……雞雄最記得就係佢擦
身而過留下果陣香味……真係諗返起都會即刻硬起上黎呀！
包租公又話：「不過佢地間房成日都靜蠅蠅，如果係搞野，點會咁靜喎？」
其實雞雄都感覺到有Ｄ古怪，因為雖然個新租客已經搬左黎幾日，佢都
係到今日先第一次見到佢地。其實呢幾晚佢放工返黎都有留意下頭房既動
靜，但除左耐不耐有Ｄ人聲之外，就係每晚都有人黎送外賣……同包租公講
既一樣……
果個靚女都話會有時浦下頭，而另外果個男仔就更加好似完全冇咁出現
過咁，連去沖涼都閃閃縮縮咁等到深夜成屋熄哂燈先去，驚死畀人睇蝕咁。
古怪！真係古怪！……究竟呢兩條友晌度搞乜鬼呢？
-------------------------------------
如是者又過左幾日，一路都冇乜野特別事發生。雞雄終於留意到原來果
個靚女每朝都會一早落街買報紙同早餐。於是有一日，佢就詐詐帝帝扮到好
巧合咁晌樓下撞佢。
「早晨，咦，乜咁橋既？」雞雄見到個靚女行出大廈門口，即刻扮到好
似岩岩返黎咁行埋去。
條女忽然見到有人行埋黎，當堂打左個突。雞雄都未行近，佢已經好有
警戒心咁退後左一步，皺哂眉頭咁：「你乜水呀……？」
雞雄扮哂忠厚咁，亦都退後少少耍哂手咁話：「小姐，係我呀……你個
同屋住客呀……果日擦緊牙妳撞入黎果個呢……」
「哦！」個女仔終於認得佢，面上有少少唔好意思咁笑左一下：「我認
得你喇！頭先真係畀你嚇左一跳。」
……其實唔認得都唔出奇，因為雞雄今日個Look都算執得幾整齊，同
平時果個猥瑣樣又真係有少少分別既。
「對唔住喎！」雞雄伸手抓下個頭，拎條毛巾抹汗，又帶住少少自嘲咁
話：「我個樣又真係幾嚇人既？」
個靚女即刻「咭」咁笑左下：「咦，你岩岩跑完步牙？」佢好似有Ｄ意
外咁。又難怪既，雞雄個死款邊似咁健康喎？
「係呀！」雞雄笑住話：「冇辦法啦，我地呢Ｄ打工仔冇錢去健身，唯
有朝朝跑下步當運動囉。」
「跑步好丫！」個女仔笑笑口話：「我都成日跑步架。」
「咁搵日一齊跑囉。」雞雄即刻鬆毛鬆翼，爛泥即係爛泥，講多兩句已
經露出左個急色樣；仲有少少流口水添。
「好！搵日囉……」個女仔即刻眉頭一皺，好敷洐咁應左句。
雞雄見佢神色一變，即刻知死。好快又換返副忠厚老實既樣：「咦？係
勒，妳咁早落黎買早餐牙？」
「你……你點知架？」個女仔好明顯有少少戒心。
雞雄即刻灑哂手：「冇……冇呀……我純粹靠估架咋！我冇專登昅妳
架！」
佢咁講，分明係「此地無銀」姐！不過個女仔又似乎幾受咁喎……
「哈哈，唔駛唔好意思，我信你喎！」個女仔見到雞雄個尷尬樣，面色
當堂鬆返少少，眼珠一轉，又笑笑口咁問雞雄話：「係勒，你知唔知附近邊
度Ｄ豬腸粉好食呀？呢幾日朝朝食三文治，食到嘴都歪哂。」
雞雄當堂眉飛色舞咁話：「梗知啦，成個大角咀最靚果檔腸粉梗係隔離
街發記啦！聽講連Ｄ大富豪都會叫司機渣車黎買，真係好正架。」
個女仔似乎幾為食咁，聽到都好似有Ｄ流口水。雞雄即刻打蛇隨棍上：
「橫掂我今朝都想食白粥腸粉，不如我帶妳去丫？如果……妳唔介意既
話……」
「咁……」個女仔仲有少少猶疑。雞雄即刻補多句：「係就行快步喇，
發記Ｄ腸粉好多人買架，晏少少就賣哂架喇。」
個女仔諗左一諗：「好啦！咁就麻煩你……呀，咁耐都唔記得問你點稱
呼添？」
「呵呵……」雞雄摸下自己個頭，笑笑口話：「呢頭個個都叫我阿雄既。」
佢當然唔敢話畀個靚女聽，前面仲有個「雞」字啦。
「啊！原來係阿雄哥。你好，我叫Carol。」講完仲伸左隻手出黎同雞
雄握手添。
雞雄受寵若驚咁伸手，不過又縮返埋去，有Ｄ尷尬咀苦笑話：「我成手
都係汗，好污糟既。」
Carol反而冇乜野，一手渣實雞雄隻手，好爽朗咁握左一下：「車！大家
後生仔女，有乜所謂喎？」
「係……係既……妳講得岩……」雞雄又笑左一下，個樣傻傻地咁，竟
然好難得咁有少少可愛。Carol忍唔住又「咭」一聲笑左出黎：「好喇！唔講
喇。又話Ｄ腸粉好快賣哂既？我地不如快Ｄ行啦。」
「哦……」雞雄畀Carol一笑，幾乎連個魂魄都飄走左咁滯。聽到佢咁
講，先回一回神，笑嘻嘻咁帶住Carol一齊行。
……其實佢個心裡面仲掛住頭先握住carol隻手仔Ｄ感覺。
講真，雞雄咁大個仔都冇乜機會咁樣同個女仔一齊行街……就算以前讀
緊書果陣，Ｄ女同學都唔鍾意同佢一齊行；估唔到而家竟然可以同一個咁靚
既女仔一齊行……直頭好似拍緊拖咁，雞雄真係有少少飄飄然既感覺。
佢一路行又一路偷偷地咁昅下Carol，見佢個樣斯斯文文咁，顯然好有
家教。雖然佢面上一Ｄ化妝都冇，但係青春就係好好既化妝品，佢Ｄ皮膚又
白又滑，就算「素顏」都一樣天下無敵，直頭可以去賣護膚品廣告。
……雞雄心諗：「如果可以『顏射』佢就正咯！」忍唔住又一路望落去……
Carol今日雖然著住套長袖運動衫褲，乜都遮到陷哂，但係個心口依然
脹卜卜咁，睇得出佢既身材確係非常之唔錯。
Carol似乎感覺到雞雄既眼光，忽然間行開左少少。雞雄即刻醒水，搭
低頭講左句「對唔住」，跟住就眼望前方，目不斜視咁。
Carol見佢咁老實，當堂嫣然一笑，又行返埋少少。跟住仲主動開口：
「喂！冇野喎，我都畀人昅慣架啦。」語氣裡面好明顯有少少自豪。
雞雄即刻接口話：「我信架！妳生得咁靚女……」都未講完，Carol已經
扮哂嬲咁話：「咁你即係認頭先晌度昅我啦？」
「下！我……我……」雞雄打左個突，當堂面紅。
Carol見到雞雄個傻樣，又忍唔住「咭」一聲咁笑：「哈哈……我整蠱你
架咋！」
雞雄唯有苦笑，不過心裡面就甜到好似嗒哂糖咁。
佢諗返起今年年初三畀大姨媽拉左出車公廟求籤，果個解籤佬仲話佢今
年行正桃花運添……果陣佢仲話個解籤佬呃錢兼冇料到，而家佢終於有少少
相信咯。
-------------------------------------
係咪行桃花運可能言之尚早，不過果朝雞雄晌成班街坊又羨慕又妒忌，
當然仲有少少詫異既目光中，陪住Carol晌發記食左佢咁大個仔最好味既一
碟豬腸粉……雖然之後佢根本連自己食左碟乜野腸都唔記得。
Carol份人原來幾健談，兩個人一路食一路爹……雞雄除左飽餐左一輪
Carol既秀色之外，仲知道左佢唔少野……例如佢今年只得十九歲、仲讀緊
書、原本同屋企人住晌西貢，依家放緊假……之類啦……甚至乎連佢最鍾意
既歌星係乜春「棒棒堂」雞雄都知道埋。
……不過關於房裡面另外果個人，雞雄就一Ｄ野都問唔到。
到食完野走果陣，雞雄見到佢買多左份早餐，隨口問左句：「咦，係喎，
乜你個Friend唔一齊出黎既？」
Carol聽到即刻面色一沉：「哦……冇呀！佢冇咁早起身……」
雞雄見佢答得閃閃縮縮咁，又多口問多句：「係勒，果個男仔係唔係你
男朋友呢？」
Carol呆左一呆：「男仔？邊個呀……」跟住嘴角抽左一抽，有少少笑意
咁話：「哦……佢牙？算係啦……」跟住又啤左雞雄一眼：「做乜野呀？問咁
多野，想溝我牙？」
「下？我邊夠資格呀？」雞雄畀人一野督穿左，當堂面紅啦；抖左啖大
氣定定神，忍唔住又口花花咁話：「妳生得咁靚女，如果妳肯我又唔拘呀！」
見到Carol又黑面，即刻又改口話：「講笑詐……講笑詐……」
Carol掘左佢一眼，跟住又「咭」咁笑左聲：「我都係講笑詐。Jacky係
我契大佬黎架。」
啊！原來條靚仔叫Jacky……
（後話：嘩！都唔知係咪真係開始轉運，雞雄Ｄ艷福真係好到冇朋友！
竟然會咁好彩撞到個索到爆既女租客，仲同佢做左朋友添？不過呢個Carol
神神秘秘咁，究竟係乜料呢？而且佢條仔好似仲神秘Ｄ咁喎……下一集：「秘
密揭盅」……不過，我估你地都係關心雞雄幾時先扑到Carol多Ｄ？係咪？）
|
|
