sunray
貴賓
 
UID 5427
精華
0
積分 684
帖子 89
閱讀權限 100
註冊 2006-10-13
來自 HK
狀態 離線
|
（港佬狂想曲）（粵語版）（八）
-------------------------------------
八、秘密揭盅
-------------------------------------
（前文提要：新搬黎既租客神神秘秘咁……不過雞雄就好好彩識到其中
一個靚女，仲一齊拍拖去食早餐添……）
雞雄同Carol一路都有講有笑，不過一返到樓下，Carol即刻收哂聲，
仲有少少唔好意思咁同雞雄話：「阿雄哥，Jacky佢唔係好鍾意我同人傾計
架，一陣上到去你記住扮唔識得我喎。」
「哦……」雞雄雖然覺得有ＤＤ可疑，不過靚女叫到，當然冇話唔得啦！
入到屋，Carol敲下房門，裡面即刻開門……果條仔半開住度門，仲怒
啤左雞雄一眼，跟手一手扯左Carol返入房。臨閂門果下，雞雄仲隱約聽到
佢細細聲同Carol唔知講乜野……
雖然只係望左一眼，不過雞雄已經睇到果條仔生得非常靚仔，眼大大、
鼻高高、唇紅齒白、青靚白淨咁，仲幾乎靚過Ｄ女仔添。難怪……唉！雞雄
當堂自卑起上黎……
雞雄返到茶餐廳，忙完早餐之後，趁住未到午市最繁忙時段之前既空閒
抖返啖氣。佢見個肥老闆坐晌收銀處嘆緊報紙，就走埋去八卦兩句：「喂，
老細，乜睇得咁入神呀？今日有乜大新聞咩？」
「冇喎！又冇高空擲物，又冇死人塌樓；咪又係班『尊貴』既議員晌度
鬧下曾特狗咁囉……」肥老闆放低份報紙：「仲有再追下陳大富個女懷疑畀
人標左參單野囉！」
「下！乜單野仲有下文咩？陳大富唔係已經否認左喇咩？」雞雄隱約記
得先幾日睇新聞睇過。
肥老闆就話：「哦！係呀！不過今日生果報又爆料，話陳大富個女一直
都冇蒲頭，懷疑佢根本未贖返出黎喎！」
「車！生果報都信得過既！」雞雄嗤之以鼻咁笑。
「咁又係……」肥老闆都同意：「不過今次佢摷埋張相出黎喎，你睇下，
條女原來都幾『試正』架喎。」
「係？咁就要見識下喇！」雞雄一手拎左張報紙過黎，見到上面登左張
學校映果Ｄ全班大合照出黎，仲有個放大左既紅圈圈住其中一個女仔添。
「普通料，一般般啦……」雞雄一面彈一面望左兩眼，張相其實都幾矇，
不過勉強都睇得出個女仔既輪廓生得幾靚……
「車！咁高要求？夠薑就去溝件返黎畀我睇下丫？」肥老闆一句窒過
去，一手想搶返份報紙。但係雞雄冇放手，仍然眼定定咁望實張相。
「你做乜呀？Short左牙？」肥老闆大聲笑佢：「你咪話畀我聽你識得佢
呀！」
「唔……唔係……」雞雄回一回神，口窒窒咁。
……佢唔係識得陳大富個女，不過佢認得企晌佢側邊果個！
……果個，竟然係Carol！
-------------------------------------
果晚返到屋企，雞雄一直留意往頭房果邊既情況，一見到Carol出黎去
廁所，佢即刻企定晌走廊等佢。
Carol去完廁所出黎，一開門就見到雞雄企晌出面，就笑笑口咁同佢打
招呼：「雄哥，咁岩既，你又去廁所牙？」
「唔係！妳跟我黎，我有Ｄ野要同妳講……」趁住包租公同光頭伯去左
晨運未返，雞雄神神秘秘咁拉左Carol去後門度，湊埋去細細聲同佢講：「妳
唔駛再呃我喇，我已經知道哂妳地Ｄ野！」
Carol即刻面青，有少少口震咁話：「你亂講Ｄ乜野呀？」
「仲想呃我？」雞雄咄咄逼人咁再貼埋Ｄ：「陳大富個女單野係咪妳地
做既？哼！估唔到妳好眉好貌，好既唔學，竟然學人去標參勒索？」
Carol既面口當堂由青變白，仲衝口而出咁話：「你……你點知架！」
雞雄大獲全勝，都唔記得左扮好人，連面目都有少少猙獰起上黎：「妳
咪理！哼！我而家就走去報警！」隻手已經摸緊個手機……果陣晌佢心入面
都十五十六，諗緊唔知有冇花紅呢？
「唔……唔好呀！阿雄哥，件事唔係好似你諗咁樣架！」Carol已經驚
到喊左出黎。
一見到靚女流馬尿，雞雄當堂成個軟哂。
「妳……妳咪喊住先……」雞雄越講，Carol就越喊……
「好！好！我唔報警住，妳慢慢講啦……」雞雄一面一講一面順勢攬住
左Carol，由佢僕晌佢心口度喊。
「嗚……嗚……」Carol好似忍左好耐咁，一喊開就停唔到口。
雞雄咁大個仔都未試個畀個靚女攬住黎喊，當堂有少少手忙腳亂；不過
果陣佢已經唔係點聽到Carol喊乜野？心裡面全部都畀果個壓上黎、熱辣辣
既少女胴體完全佔據哂。鼻裡面剩係聞到Carol個陣香噴噴既少女體香……
下面個細佬根本控制唔到，一下就彈左起身！
Carol雖然猛掛住喊，但當然都感覺到大髀度雖然有碌硬硬既野頂實
啦！佢「呀」一聲叫左出黎，下意識搭低頭望一望，跟住就岳高頭啤實雞雄；
個樣仲有少少嬲添。
雞雄面都紅哂，即刻縮手鬆開佢，尷尷尬尬咁話：「對……對唔住呀！
自然反應黎架！」
Carol仲係眼濕濕，面紅紅咁，不過都忍唔住「咭」咁笑左下。
雞雄見佢冇嬲，先細細聲問返佢：「咁……妳講啦。」
「嗯！」Carol四圍望左兩下，跟住對雞雄話：「你跟我黎丫。」
雞雄就膽粗粗咁跟住Carol，只見佢靜靜雞咁行到房門口，一開門就拉
左雞雄入去。
雞雄從驚無神畀Carol拉左入房，都打左個突……佢見間房裡面乜都
冇，得一張摺檯兩張摺椅，仲有張吹氣床褥同幾個旅行袋。岩岩想問Carol
搞乜鬼？已經見到有個人掀開張被坐左起身……
果個人慢慢爬起身，跟住慢慢擰轉面……佢身上面冇著衫，但係就戴左
個Bra……
佢……竟然……
係Jacky！
「……」雞雄當堂呆左，出唔到聲。
Jacky一擰轉面，見到雞雄，開頭都好似唔信咁捽左兩下眼，再望真Ｄ
見冇睇錯，嚇到當堂想掰大口大叫！好彩Carol已經撲左埋去，用手掩住佢
個口。而雞雄就仍然呆左咁挨左度房門，仍然唔相信自己睇到既野。
「Carol，佢……佢係邊個？」Jacky一回過神，即刻就拉開左Carol隻
手，指住雞雄問。
「妳咪咁大聲呀！佢晌呢度住架！」Carol用手指「噓」左Jacky一下：
「佢叫雄哥，佢……知道哂我地Ｄ事喇！」
「下！」Jacky震左一震，怒啤住雞雄話：「咁你想點丫？係咪想同我老
豆報寸丫？」
雞雄驚魂甫定，腦裡面整理緊Ｄ蛛絲馬跡……佢知道自己估錯左，Jacky
冇綁架到陳大富個女；因為佢自己就係陳大富個女！……雖然報紙張相唔係
好清楚，但係雞雄都認得出Jacky就係果個女仔。
……佢只係冇諗過Jacky原來係女仔！
雞雄抖左啖大氣，晌Jacky既怒啤下伸手拉左張摺椅坐低，然後先施施
然咁望住Jacky同Carol話：「妳地兩個點解要咁做呀？」
「因為Jacky個爸爸要迫佢去外國留學，唔畀我地晌埋一齊囉！」Carol
搶先開口，雙手仍然攬到實Jacky。
「晌埋一齊？」雞雄有少少愕然：「不過妳地兩個都係女仔喎……」
「女仔唔好以同女仔晌埋一齊架咩？」Jacky嬲爆爆咁話：「冇左你地Ｄ
臭男人駛死咩？」
反而Carol就面紅紅、搭低哂頭，似乎佢Ｄ態度冇Jacky咁肯定。
「哦……」雞雄一面點頭一面話：「明哂！戀愛自由？屋企反對？私奔？
基婆……」佢都未講完，Jacky已經推開左Carol，撲上黎想打佢，Carol拉
都拉唔住。
雞雄猝不及防，挨左一拳，不過Jacky雖然兇狠，但女仔有幾大力丫？
雞雄一Ｄ都唔痛，一野就捉實Jacky對手，將佢成個人禁左落床褥度。Jacky
仲想掙扎，雞雄唯有騎住佢唔畀佢郁。
「喂！女仔人家咁野蠻架！君子動口不動手嘛！」雞雄用力禁實Jacky，
見Carol手足無措咁企晌側邊，就同佢講話：「Carol，妳叫佢冷靜Ｄ先啦。」
「Jacky，」Carol點左下頭，就蹲低同Jacky話：「Jacky，妳唔好咁衝
動住，雄哥佢冇惡意架，佢只係想幫我地咋。」
「哼！無事獻殷勤，非奸即盜！呢他猥瑣佬有咁好死？」Jacky仲係好
硬頸咁起勢掙扎，雞雄索性坐晌佢身上面，個Pat Pat岩岩坐正佢個小腹。
Jacky下身剩係著住條薄薄既底褲，雞雄好清楚咁感覺到佢果個谷起哂既小
妹妹，忍唔住個屁股就磨左兩磨……
「喂！你……」Jacky當堂震左一震，眼裡面即刻閃現出少少懼意，連
掙扎都唔記得喇。
「雄哥，你放開Jacky先啦……」Carol見Jacky冇再反抗，就推左推雞
雄。
原本雞雄仲想磨多兩下，不過見Carol已經開到口，只好再向Jacky叮
囑多兩句：「拿，我而家放開你，你唔好再亂黎呀！」Jacky又怒啤左雞雄一
下。
雞雄一面慢慢放手，一面乘機望清楚Jacky。到呢個時候佢先留意到呢
個Jacky個樣原來都生得唔錯，勉勉強強都算得上係靚女，不過就冇乜波地，
飛機場左少少……
「昅乜野呀！死人猥瑣佬！」雞雄一鬆開手，Jacky即刻就成個人彈開，
攬住張被遮住自己半裸既身體。
雞雄好不屑咁「車」左下：「收皮啦，妳個死男人婆有乜好望呀？成塊
洗衫板……」
Jacky又想撲過黎，不過今次畀Carol快手拉住。Carol又有少少嬲嬲咁
鬧佢：「喂呀！叫妳冷靜Ｄ呀！再係咁樣我唔理妳架！」
Jacky見激嬲左Carol，先至悻悻然收聲唔敢再勞嘈。雞雄見到佢咁又陰
陰嘴偷笑，仲一路肆無忌憚咁狂昅佢剩係著住套底衫褲既半裸胴體。
「喂！死猥瑣佬，擰轉面等我著返件衫先呀！」Jacky終於冷靜落黎，
開始介意雞雄果Ｄ明顯帶住Ｄ侵略性既眼光。
雞雄見Carol面上都有少少懇求既表情，亦都好大方咁擰轉身，剩係「哼」
左一聲。
不過晌房門上果塊封左報紙既玻璃反映度，雞雄仍然可以隱隱約約咁睇
到Jacky企左起身，拎左套運動衫出黎著。由側面睇埋去，原來都有少少曲
線，又唔平得哂喎！
「得未呀？」其實雞雄已經睇到Jacky換好左衫，不過仍然扮唔知。
「得喇，雄哥。」Carol以為雞雄咁君子，真係冇偷睇，仲好甜咁叫佢
添。
雞雄擰返轉面，Jacky已經著返哂衫，又變返個男仔頭。如果唔係留意
到佢冇喉核，雞雄真係估唔到佢會係女仔。
「好喇！你開個價啦！」Jacky一開口就咁講。
雞雄愕左然：「乜野價呀？」
「仲扮野？」Jacky又發嬲：「要幾多錢你先肯合埋你把衰口，同我地保
守秘密呀！」
Carol亦都眼金金咁望實雞雄。
雞雄厲左Jacky一眼，抖左啖大氣：「我幾時話過要錢？幾時話過話要
揭發你地呀？」
下！呢次輪到Jacky同Carol傻左喇！
雞雄聳一聳肩，又攤開對手：「我只係想知道你地究竟有冇做埋Ｄ傷天
害理既犯法野咋……而於妳地私奔……同埋搞基……」佢見到Jacky又想發
火，即刻改口：「好！我講錯！應該係『性取向唔同』先岩，係冇罪既！」
Carol當堂鬆左啖氣：「雄哥，咁你即係應承同我地保守呢個秘密呀可？」
「除非佢老豆肯出一千幾百萬花紅啦……」雞雄打趣咁話：「如果唔係，
妳地兩個女仔閂埋門磨鏡磨天光又關我乜叉事喎？」Carol聽到雞雄講得咁
粗俗即刻面都紅哂……不這Jacky就有少少面黑，同埋面青……
Carol咬一咬牙，細細聲同Jacky話：「雄哥佢講笑架咋，佢唔會為果少
少錢就出賣我地架！」
雞雄見佢地Ｄ反應咁古怪，有少少疑惑咁問：「唔會真係有花紅係嘛？」
Jacky即刻搭低頭唔望佢，而Carol就口窒窒咁話：「我問過Ｄ同學，佢
地話Jacky爸爸肯出五十萬買我地既行蹤……」佢都未講完，Jacky已經拉
住唔畀佢再講。
五十萬喎！雞雄唔心郁就假既！
「雄哥，你唔會出賣我地架，可？」Carol眼泛淚光咁。
……雞雄諗返起頭先畀佢攬實果種滋味，個心當堂又軟哂！
「唔會！」佢抖左啖大氣，好堅決咁行過去捉實Carol對手仔，十分誠
懇咁話：「我呢份人最睇唔過眼Ｄ父母咁封建架勒！」
雞雄真係決定左暫時唔去告密……至少晌仲有少少希望可以溝到Carol
之前唔會！
「雄哥，你真係好人！」Carol直頭喊左出黎。連Jacky都有少少感動
咁款。
（後話：車！做戲咩？大富翁個女會匿埋晌籠屋區？搵鬼信咩？不過聽
古唔好駁古，我話係就係啦！拿拿拿……睇雞雄個死款，九成九係睇中左人
地條女啦！不過Carol咁靚女，做基婆又的確徙左Ｄ既……但係Jacky昅到
實，雞雄點樣對Carol埋手呢？下一集：「攻陷女同志（上）」，雞雄學人撬
牆腳呀！）
|
|
